انا نادرة كنزة عقون طالبة بسنة ثانية ماجستير
"MP EN: "DESIGN POUR LE DEVELOPPEMENT DURABL"
بالمدرسة العليا لعلوم و تكنولوجيا تصميم . ESSTED
الماجستير هذه جديدة عندها عامين جات لتونس تحت اشراف الاتحاد الأوروبي و تحديدا
Programme tempus
نقراو 10 جمعات في الجامعة متاعنا و جمعة يهزونا لإنجاز المنتوج  على عين المكان كل كل سداسي في بلاصة حسب المشروع .. انا و صحابي مشروعنا كان :
  Céramique: territoire  NABEUL
هزونا النابل و كانت الإقامة في مبيت جامعي بالجهة بعيد كل البعد عن الورشات إللي ضطرينا نتنقلوها كل يوم ،  4 تاكسيات في اليوم على حسابنا الشخصي ، حتى الأكل كان على حسابنا الشخصي ، وغيرو من التجاوزات ... و حتى الاستاذه متاعنا كي جات بش تصلحنا الخدمة عطات فلوس من مالها الخاص خاطر لم يتم اعلامنا بهذا الكم من المصاريف يعني تصور طالب تونسي يلقى روحو مجبر على صرف  10 دينارات و اكثر مصاريف تنقل و فطور كهو !
هذا الفلاقو الدقداقو ... اللي انا تعرضت الحادث في المبيت
فاتت العاشرة ليلا وليت نتنفس نتوجع لا نجم ناقف و نتلوا ما فما حتى مسؤول لاعلامو
فما عساس قال ما نجم نعمل شي ميسالش اخرجو براو للاستعجالي ...
اقرب حاجة هو كلينيك اما كي نلمو فلوسنا كل ما نجمش نعدي ... مشينا للصيدلية الليل اللي في وسط نابل قالي ما نجمش نعملك شي (...) عطاني مرهم  في حالتي هذيكه اللاحقة بالورشة من غدوة و ما نجمتش نكمل روحت للمبيت قالولي ممنوع تدخل البيت قبل لعشية و بعد دخولني وحدة من بنات كلاسي كلمتهم ، جات المديرة لتثبت من صحة الامر و من غدوة استأنفت لقراية و تم اعلام الاساتذة باللي صار
روحنا و بعد شهر وأنا نتلوا الله غالب ما جاش لبالي لحكاية بش تولي خطيرة ... نهار قمت ما نحرك كان راسي و يديا
تم التدخل كلينكيا و الطبه قالو كان مالاول ما تحركتش في الفترة هذيكة راهو ما وصلتش للمرحلة هذه
المهم ثلاثة جمعات و ماصبرتش قلتلهم كان ما نرجعش نقرا نستنقط هزيت تصويرة وسكنار  و شهادة طبية و مطلب نحب قاعة اللوطة خاطر منجمش نطلع الدروج 
Hernie discale ما فيهمش حاجة خطيرة ولا مرض يعدي
قالولي روح على روحك خلي رقم الهاتف احنا نتصلو بيك ❤ و من وقتها ... وليت رجعت وحدي و الأساتذة ما قصروش تكفلو هومة بحكاية القاعات
خرجت قائمة المتفوقين في كلاسي اللي بش يمشيو
للرحلة الجامعية للبرتغال «انا اسمي مكتوب» بالطبيعة لا علما اني جيت الثانية في مشروع السداسي الأول , و الاولى في المشروع في الثلاثي الثاني .
مشيت نستفسر من المدير شخصيا قالي حرفيا : «بنتي انت مريضه مانجمش نتحمل مسؤوليتك » قعدت نقنع فيه اللي حالتي وقتيه و نجم نتجوزها في فترة معينه و حتى كان ماما تجاوزتهاش وين المشكل كي نتنقل في كرسي متحرك ؟؟؟؟ قالي تو نشوف
بعد جاني chef département
قال انا المسؤول على ادراج الليستة و نقلك ماناش بش نهزوك ! مرضك مش سبب اما خاطرك غايبة وقت تعملت الليسته  وراهو الرحله فها تعب ! و هذا بحضور  استاذ في الجامعة و زميلاتي بالنسبة ليا كلام ما قنعيش خاطر مش كان انا غايبة الفترة هذيكه من شيرة المدير يقلي خاطرك مريضة ومن شيره يقولولي خاطرك غايبة وليت صبيت مطلب في اطار قانوني مطالبة بحق الشرعي و من و قتها بدا العرض من بيرو البيرو نستنى في الرد علما انو ثلاثة طبة مباشرين لحالتي الصحية قالو اللي انا نجم نسافر
عاودت اتصلت بالسيد المدير قالي حرفيا « الرحلة فها تعب ، مناش بش نهزوك ، أنا شخصيا ما نتحملش مسؤوليتك و ما عنديش 1500 € بش نخلصهم عليك كان صارتلك حاجة  وتو نشوف في الاجتماع مع الطلاين كان حبو يتحملو مسؤوليتك »
كان ردي انا كي طحت كنت تحت مسؤوليتكم وينكم وقتها ؟ وتعب ياخي هاني نجي كل يوم نقرا  على حد علمي ماشين للبرتغال مش للجبل  والطبه قالو نجم نسافر و كيما انا تنجم تصيرلي حاجه تنجم تصير الاي حد في الرحلة
المرض ماهوش حكر عليا
وفي بالي اللي كل واحد يسافر يتمتع بالتأمين
و رغم المرض و الظروف اللي تعدى فها السداسي الثاني جيت الاولى في المشروع !!!!!!!!!!
يقول القايل علاه توه تكلمت ... لا تكلمت و حكيت أما زاده وجاعتي هدتني شويه مش ساهل عليا اللي تعدى و لا سوايع إللي نعداها الضو يضرب فيا حمد الله ربي عطاني القوة بش نتحمل و انشاء الله نرجع خير من قبل ونرجع نمشي
إللي فهمتو بعد اللي صارلي و صار ال Raed Abdelli إللي فما تجاوزات كل يوم  في ال ESSTED عليا انا و غيري  مانا طالبين منهم شي كان حقنا
تصاور المطلب اللي لتوه نستنى في رد عليه (حقي القانوني) من تاريخ 16/04/2016
وتصاور الرحلة الشاقة و المتعبة على حد تعبير المسؤولين    و اللي انا ما نجمهاش خاطرني في كرسي واللي تمت في اخر شهر اوت
Escola Superior Gallaecia :) :)
https://www.facebook.com/pg/ESGallaecia/photos/?tab=album&album_id=10153620606961626
https://www.facebook.com/tempus3d/?ref=ts&fref=ts

اللطف عليا و عليكم من #الاعاقوفوبي 
#مانيش_مسامح #حقي_واجب_مش_مزية